www.yalllaganna.net



 
الرئيسيةالبوابةالتسجيلدخول
نرجو من اعضاء المنتدى الكرام عدم استخدام الفاظ او معتقدات غير اخلاقية واحترام الاعضاء الموجودين بالمنتدي والرقي باسلوب الحوار...ادارة المنتدي

شاطر | 
 

 اضحك .. كركر..ههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MR_TAREK_KHALIL
admin
admin
avatar


الجنس : ذكر
الابراج : السرطان
عدد المساهمات : 454
نقاط : 14665
تاريخ الميلاد : 01/07/1983
تاريخ التسجيل : 04/02/2010
العمر : 34
الموقع : http://yallaganna.alafdal.net
المهنة :


مُساهمةموضوع: اضحك .. كركر..ههههههههههه   الأحد أبريل 18, 2010 8:43 pm

هذه مجموعة من النكت .. أرجو أن تكون جديدة

وأن تنال اعجابكم

ويا ريت تقولوا لي ايه أحسن نكتة عجبتكم



1- مرة واحد واقف في الشارع
و بيتكلم في المحمول و عمال يزعق و يقول:-
بس دوري ( ابحثي) تاني ، دوري كويس علشان خاطري
قام واحد معدي في الشارع جه قال له: في إيه ؟
قام قال له:-
طلبت رقم قامت ردت عليّ واحدة ست عمالة تقول : الرقم الذي طلبته غير موجود
في الخدمة


2- واحد اشترى موبايل، ركب له جهاز إظهار رقم الطالب



3- واحدة
قالت لجوزها قولى كلمه حلوة
قالها بسبوسة
قالت له يا اخى قولى كلمه تهزني
قال لها مرجيحة
قالت له قولى كلمه أحس فيها إنى مراتك
قال لها انتى طالق



4- مرة
واحد موظف ماشى الصبح رايح شغله وهو ماشي شاف جماعة واقفين فوق
كوبري قصر النيل مهيصين و بيسقفوا و بيصفروا ويرقصوا ويهللوا
وينادوا هريدي هريدي هريدي..
تاني يوم شاف الموظف نفس الحكاية..
ثالث يوم شاف نفس الحكاية
فراح يسأل حد من الجماعة دية:-
لو سمحتوا يا جماعة شايفكوا بتسقفوا و مهيصين
على الأخر هو في أيه؟
قالوا أحسن غطاس عنديكم بيقعد قـد ايه تحت المية؟
قال لهم : تلات دقايق
قالوا له: هريدي ابن عمنا من ثلاثة أيام تحت المية، ولسه مطلعش


5- مره
مسئول كبير راح يفتتح حمام سباحه كبير
فكان مدير الحمام بيشرحله مميزات الحمام فقال
ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه



6- واحد
ركب سيارة مرسيدس حديثه فتح الراديو لقي المذيعه بتقول هنا لندن
راح قايل: ياااه .. يخرب بيت السرعة


7
- واحد
سافر بره أرسلوا له برقيه ارجع فورا يوجد أمر خطير رجع على اول طياره قابل
أخوه الكبير فى المطار تعبان وحالته حاله ودقنه طويلة ..
قاله: فى إيه طمنى أبويا جراله حاجه؟
راح مطبطب عليه وخده فى حضنه وركبوا العربية لقى أخوه
الثانىقاعد فى العربية تعبان وحالته حاله، ودقنه طويلة
قاله: فى إيه طمنى أبويا جراله حاجه؟
راح مطبطب عليه وخده فى حضنه
سافروا لقى أخوه الثالث على باب البيت تعبان وحالته حاله ودقنه طويلة قال:
يا جماعة فى ايه ؟ حد يطمنى أبويا جراله حاجه؟!!
راح أخوه الثالث مطبطب عليه وخده فى حضنه ..
دخل على أبوه فى السرير لقاه نائم وتعبان وحالته حاله، ودقنه طويلة قال له:
خير.. فى ايه؟ طمنى يا أبويا .. انت كويس؟ رد عليا ..
راح أبوه قاله: يا حسنين وديت ماكينة الحلاقه فين ؟؟!


8- واحد
شاف فى الجرايد حادثة .. راجل فى امريكا قتل مراته ودفنها تحت السرير
والبوليس الأمريكى لم يكتشف ذلك الا بعد 25 سنة
قام قال لنفسه يبقى أنا لوعملت كده البوليس عندنا مش حيكتشف ابداً ..
راح فعلاً قاتل مراته وحفر تحت السرير وحطها ..
مفيش ربع ساعه والبوليس قبض عليه فتعجب قوى .. وسأل الضابط انتم ازاى كشفتم
الجريمة بسرعة قوى كده؟
ده فى امريكا ماكتشفوهاش الا بعد25 سنة
رد عليه الضابط: أصل في أمريكا الراجل كان ساكن في الدور الأرضى وأنت ساكن
فى الدور الخامس


9
- مرة
جماعة قعدوا يغسلوا الحيطان بالمياه لحد ما واحد مسكت فيه الكهرباء قعد
أصحابه يشدوه و يضربوه علشان يبعد عن الحيطة ما عرفوش
لحد ما ودوه المستشفى و لكنه مات
......تقرير الطبيب الشرعي:
سبب الوفاة ضرب أفضى إلى الموت



10 - مرة
واحد دخل مطعم وطلب بيتزا ..
الرجل جابله البيتزا .. و قال له تحب نقطعها على 8 قطع ولا على 16 قطعة؟
قاله لا على تمانية .. علشان مقدرش أكل الستاشر


11- واحد
معدى لقى ناس بتهيص قوى ..
قال لهم فيه ايه ؟
قالوا له: فى واحد عاوز ينط من فوق سطح العمارة
قال لهم: خلاص انا طالع له ، وها أحاول أقنعه
فعلاً طلع له .. وقال له: عايز تنتحر ليه
الراجل قال له: أصل أنا غبى جدا .. وكل الناس بتقول عليّ غبى .. !!
راح الراجل قايل له: لا انت مش غبي أبدا، وأنا ها أثبت لك .. هاقولك فزوره
لو حلتها ماتبقاش غبى ..
حاجة اسمها زى شكلها .. تبقى ايه؟
رد الراجل: ما أعرفش
الراجل الأول: لأ .. فكر شوية .. دي سهلة جدا .. الحل هو البيضة
.. بس ما تيأسش .. اقولك واحدة تانية :حاجتين اسمهم زى شكلهم .. يبقوا ايه؟

الراجل التاني ( بعد تفكير عميق): ما أعرفش .. دي صعبة جدا
الراجل الأول: لا .. دي سهلة خالص .. بيضتين
.. هاقول لك واحدة تالتة بسيطه و سهلة : حاجة كبيرة، وسودة، ووبناخد منها
لبن، واسمها جاموسة .. تبقى ايه؟
رد الراجل الثاني بسرعة: المرة دي سهلة .. تلات بيضات ..
راح الراجل الأول ماسكه وراميه ..



12- مرة
جماعة من العرب عملوا اجتماع يناقشوا فيه تأخرهم العلمي
فقام واحد بيقول : أمريكا طلعت القمر قبلنا واحنا قاعدين!!
قام رد عليه الثاني : خلاص احنا لازم نطلع الشمس
فقالوا: احنا كدة هنسيح أو نتحرق
رد عليه صاحب الاقتراح: يا غبي احنا هانطلعها بالليل



13
-
أربعة راحوا فرح
الأول نقط بخمسة جنيه و ضرب طلقة رصاص
الثاني نقط بعشرة جنيه و ضرب طلقتين
الثالث نقط بخمستاشر جنيه ةضرب ثلث رصاصات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبله


14- واحد
أشترى عربية بالكمبيوتر .. ركبها ومشى بيها ..
فلما عدى التسعين
قال الكمبيوتر :
"بعد التسعين تعمل حادثة..احذر.
"ففرح الراجل وفضل يزود فى السرعة والكمبيوتر يحذره لغايه
لغاية ما وصل الى سرعة 180 كيلو في الساعة
فصاح الكمبيوتر: "يخرب بيتك نزلني هنا


[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://yallaganna.alafdal.net
dina_ali
عضو متميز
عضو متميز
avatar


الجنس : انثى
الابراج : السمك
عدد المساهمات : 147
نقاط : 7411
تاريخ الميلاد : 14/03/1991
تاريخ التسجيل : 07/03/2010
العمر : 26
المزاج :
المهنة :




مُساهمةموضوع: رد: اضحك .. كركر..ههههههههههه   الإثنين أبريل 19, 2010 5:19 pm

جامدة جدا وخصوصا رقم 3
الرجوع الى أعلى الصفحة اذهب الى الأسفل
 
اضحك .. كركر..ههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.yalllaganna.net :: القسم العام :: قسم الضحك والفرفشة :: نكت مكتوبة-
انتقل الى: